عفاف و حجاب

عفاف و حجاب

شکر ایله امنیته بو یولدا هئچ یوخدور سرآب

ساخلیوب پاینده اسلامی عفافیله حجاب

فخر ائدیب بو آسمانی زینته زهرا(س) آنام

ساخلیون حجب و حیانی عالمه ایلوب خطاب

هر کس عفتلی دولانسا ئوز جلالی آرتاجاق

معنویت گورسدن یولدان آلار سود و ثواب

ارزش آختارسان فقط عفتلی انسانلاردادی

هئچ شرافتلی جوان بو ئولکده ایچمز شراب

مین نچه یوللار تاپوب دشمن حجابی آچدیرا

بو شرافتلی جوانلار نقشه سین ایلوب برآب

واردی بیر عده ولی دیلدن دانیب حریتین

دین و قانونی ایاقلیر ایلیور کشف حجاب

دین و دنیاسین ساتان شرم و حیانی آنلاماز

هرزه لردن آیری گز بیر عالمی ایلر خراب

چوخلاری هذیان دئیورچادر بیزی گوزدن سالیر

ذره یوخ ایمانی آلله گوندیریب گویدن کتاب

معجریم عالملره آزادلیق درسین ویریب

شهدانین قانینه ئوز معجریم ائتدیم خضاب

مدعی ، چادر مصونیت دی قرآن اهلینه

ویرمرم الدن یانیب دشمنلریم چکسین عذاب

زاهدا آزاده لیق باشدا حجابیمدور منیم

ساخلیار ابلیس شریندن چاتا روز حساب

احمد باقری