عشقین زینَتی

عشقین  زینَتی

عشق ئوز زینتینی زینب علیادن آلیبدی

ذات سرّینده اولان جاذبه نی ارث آپاریبدی

بو جاذبه نین واردی عجب نوشیله نیشی

آللاهدان آلیب منصبین اهدافه چاتیبدی

بو مکتب عشقه یازیلان چوخدی جهاندا

زینب بو ایکی جاذبیه مکتب آچیبدی

ایثار و وفا درسی ویریب عالمه زینب

هر کسکه وفا درسین آلیب چوخ اوجالیبدی

زینب ئوزی چون زین اب و کان وفادی

عشق عالمی محملده ئوزی باشدا یاریبدی

یاردی باشینی لاله ائدیب دوتدی حسینه

عاشقدی ئوز عشقینده بو یولدا دایانیبدی

یانمیش کوله دونمیش اورگه عشق اولار عاشق

وار علتی زینب اوجالیبدی قوجالیبدی

باغبانیدی دین گلشنینه کرب بلاده

اسراریله بو گلشنی زینب سوواریبدی

زاهد قلمون زینبه اوصاف یازانماز

عشق عالمینه زینب ئوزی زینت اولیبدی

احمد باقری

 

آنا یوردوم شربیان...