گوزیمین نوری علیسان

گوزیمین نوری علیسان

دنیایه قدم قویدی بوگون بیر مه تابان

همسان علی اولسون ، آدی اولدی علیسان

یرمی بیرِ دِی گلدی اذان وقتی یتیشدی

 آلله او زمان هدیه سینی ایلدی احسان

بیر شاخه بهشدن گول امانت ویریب آلله

الطاف و کراماتینه جانیم  اولا  قربان

چهره آیا بنذیر گوزیمین نوری گلیبدی

شکر اولسون الهی ائویمیز اولدی گولستان

گل ای گوزیمین نوری علیسان گوزلیم گل

قرآنیله مانوس اولاسان غنچه ی خندان

زیبادی آدی آدینه عالمده تای اولماز

 دل زمزمه ائتدیقجه اُولور شاد و خرامان

مکتبده  علی  مکتبیدی  آددا  علینین

اُولجاق آنادان حق یولونا باغلادی پیمان

مین حکمتیله پایلارینی پایلیور آلله

احسان ائله یارب هامیا ناز بالالاردان

عشّاق علی مظهر ایماندیلا زاهد

تا واردی علینین آدی پاینده دی ایران

احمد باقری 

آنا یوردوم شربیان...