فاضلی نین شهری

باخورام فاضلی نین شهری گُلستان گورونیر

عُلمالر یئریدی مکتبِ عرفان گورونیر

گورسه نیر عشق و صفاسی قلم عاجزدی یازا

شهر علامه دی فرزانه فراوان گورونیر

اهلی اسلامی دی ، مذهب علوی ، اهل نماز

شیعه  آل علی مکتب قرآن گورونیر

فطرتی پاک و منزه دی هامی اهل زکات

اهلی دریای ادب بیشه ی شیران گورونیر

دئمورم اُولسا ایچینده آزاراق خار و خسی

وار یقینیم که اودا عاشق یزدان گورونیر

بو ولایت یولی همدللیگی اثبات ائلیوب

همدل اُولماق ئوزی بو عشقیده آسان گورونیر

شهدا جانینی قویدی بو ولایت یولونا

شهدانین آدی بو شهریده تابان گورونیر

هامی همدل دی هماهنگ دی مهدی گله جاق

میهمان صاحبیدی مهد دلیران گورونیر

 

احمد باقری     22 /7/ 94 آنا یوردوم شربیان

آنا یوردوم شربیان...