هر جمعه ، گوز یولدادی

هر جمعه ، گوز یولدادی

هارداسان ای صاحب عصر و زمان صاحب زمان

گل آقا قلبیم اولوب بیر پارچا قان صاحب زمان

گلدی بو جمعه ده مولا بس نَدن سن گلمیسن

گل آقا گل بو بهاری بیزلره ائتمه خزان صاحب زمان

عالم و آدم سنون هجرونده گوزدن یاش الیر

ای عدالت پرچمین عرشه ویران صاحب زمان

گچدی ایللر گوزلیرم یول گوزلریم تار اولدی گل

تک نه من یول گوزلیور کل جهان صاحب زمان

ظلم حدّیندن آشیب هجران اوتیندان یانمیشوق

عرش اعلایه چاتیب آه و فغان صاحب زمان

هارداسان ای یوسف زهرا یوبانما تِز یئتیش

سن عدالت شاهی سن ای مهربان صاحب زمان

ایستیینلر چوخ زمانلاردی اورگدن آغلیور

گوز یاشی بو آغلاماقدان اولدی قان صاحب زمان

بد حجاب ، بی اعتمادلیق هر یانا ریشه سالیر

گل آقا ای پادشاه انس و جان صاحب زمان

هر جمعه گوز یولدادی ویرسن موذن لر اذان

گل یوبانما ای گل باغ جنان صاحب زمان

عید اکبر دی مسلمانلارا هر جمعه گونی

ایله تعجیل گله روحیمه جان صاحب زمان

بیلمیرم هانسی عمل باعث اولیر گلمیه سن

چکیرم نازیوی مینلرجه اینان صاحب زمان

منیم اعمالیمه افکاریمه آگه سن آقا

روح جانسان منه ای قبله جان صاحب زمان

غم غم اوستونده چوخالدیقجا بو قلبیم سیخلیر

هارداسان ای مه اسرار نهان صاحب زمان

وار یقینیم گلجاقسان که بیر آز تز گئجی وار

ای پناه بی پناهان اَلامان صاحب زمان

آند ویررم سنی زینب بی بیوین معجرینه

گلمقوندن بیزه ویر نام و نشان صاحب زمان

جمعه آخشاملاری مولاچوخ اورگ لر داریخار

ظاهراُول ای نور چشم شیعیان صاحب زمان

زاهدا نرجس گولی هر گولدن اعلا دی منه

قوی قدم دنیایه اولسون گلسِتان صاحب زمان

احمدباقری

آنا یوردوم شربیان...