ورزش ائله سحرلری

ورزش ائله سحرلری

عارف اولان یاخشی بیلر زندگی نین ارزشین
عاقل اولان اَیری ائلمز بینوره نین کرپیشین
ساغلیقنا بها ویرن هر گون ایلر ورزشین
غم کدری اوزاق ائله گول اورگین آچیلسین
ورزش ائله سحرلری قول قانادون آچیلسین

سحر باشی اذان سسی قولاقلارا چاتاندا
معبودینه عاشق اولان سجاده سین سالاندا
فرشته لر سحر چاغی روزی لری یازاندا
توکل ایله آللها هر دوگونون آچیلسین
ورزش ائله سحرلری قول قانادون آچیلسین

اراده دی محکم ائلر جامعه ده ارزشی
اَل اَله ویر فرهنگیمیزده اوتوداق ورزشی
جوان قوجا ورزش ائله اوزاقلاداق لرزشی
ساغلیقوین قدرینی بیل بیلمینلر آیلسین
ورزش ائله سحرلری قول قانادون آچیلسین

ورزش ایله ورزشیله جان گینه قدرت آلسین
ورزش ائله درد و بلالر بو سایاق داغلسین
سعی ائله فرهگیمیزه ورزش اوزی یایلسین
اراده نی محکم ائله شیرین یوخی قاچیلسین
ورزش ائله سحرلری قول قانادون آچیلسین

احمد باقری

آنا یوردوم شربیان...