گون بولوت آلتیندا قالماز

گون بولوت آلتیندا قالماز

عشق سوزان است بسم الله الرحمن الرحیم

هر که خواهان است بسم الله الرحمن الرحیم

عشق یعنی صد بیابان جستجوی آتشین

عشق یعنی هجرت دل تا نهایت تا یقین

عشق یعنی عدل و احسان و وقار و انتظار

عشق یعنی شیعه یعنی اعتبار ذوالفقار

عشق یعنی بارش ابر کرامت در کویر

عشق یعنی عهد و پیمان با ولایت با غدیر

عاشقم منده ولایت عشقینه تا واردی جان

عاشقانه سسلرم یا مهدی صاحب زمان

هر گئجه گوندوز هرآن هجرونده گونلر سایمیشام

هر جمعه آخشاملاری ایللردی آغلار قالمیشام

بیلمیرم علت ندی ای مونس جان گلمیسن

گون بولوت آلتیندا قالماز یا که ئوز دوندرمیسن

قالما غیبتده اماما قلبیمیز قان اولدی گل

هر گون عاشورادی هر یر کربلا طوفاندی گل

جشن میلادوندی یابن العسگری ایله نظر

قویما بوعاشقلرون هجروندن اولسون خونجگر

شمع سن پروانه لر مثلی سنه پروانیوق

نوریسن وصل وصالوندن آقا دیوانیوق

احمد باقری شربیانی

صاحب زمان گلدی بوگون

مژده ویر بو عالمه نور عیان گلدی بوگون

گول آچیب باغ جنان جان جهان گلدی بوگون

غم یمه جور و جفادن گلدی عدلین صاحبی

یار مظلومان گلیب صاحب زمان گلدی بوگون

مقدمین قویدی جهانه روشن ائتدی عالمی

پارلیان صبح اولدوزی فجره نشان گلدی بوگون

چیرپینیر بوقلبیمیز بیر یول گوراق رخساریوی

هارداسان ای روحِ جان قلبه توان گلدی بوگون

پر چالیر قوشلار بهارین عطرینی سندن آلیر

سویلیوللر عالمه بیر مهربان گلدی بوگون

سرور خوبان عالم دی اورگ لر آرزیسی

عرش و فرشین زینتی شاه شهان گلدی بوگون

مرحبا مولا آدون قربانی اولسون جانیمیز

بو مبارک مقدمون بیر ارمغان گلدی بوگون

صبح آچیلدی شوقیدن گلدی ملائکلر یره

عرش اعلادن او دم صوت اذان گلدی بوگون

احمد باقری

آنا یوردوم شربیان...