آخرین مطالب
امکانات وب
عاشـــق ولایت ( یاثارالله )
السلام ای کربلا دشتینده یالقوز جان وئرن
ای آچان سجّاده عشقی نماز احیا ائدن
خنجر التیندا مناجات ایلین عطشان ئولن
بارگاهوندن ئوپوب غسل شهادت ایلروق
رهبر فرزانه نین امرین اطاعت ایلروق
یا حسین جان سیر عشقونده گزن پروانه لر
قانلی کوینکلردی بو ، پاک عشقوه دیوانه لر
سسلروق لبیک حسین جان خوار اولا بیگانه لر
مرد اوغول لار تک ولایتدن حمایت ایلروق
رهبر فرزانه نین امرین اطاعت ایلروق
شاهد اُول یارب ، حسینین باوفا سربازیوق
بیز ولایت عشقی نین جاندان گچن جانبازیوق
ائتمیشوق پیمان بویولدا تابع فرمانیوق
ساخلاروق پیمانی بیز ، دیندن حمایت ایلروق
رهبر فرزانه نین امرین اطاعت ایلروق
امر رهبردی حسینین عاشقی باش یارماسین
قطره سی بیر جاندی گوزله اجری یرده قالماسین
ویر بها ئوز قانیوه دین دشمنی کام آلماسین
یارماروق باش ، بیز ولایتدن حمایت ایلروق
رهبر فرزانه نین امرین اطاعت ایلروق
قانیوی اهدا ایله ، نذرون قبول حقّ اولا
دردمند چوخدی حسینچی چهره وار ایستور سولا
حق وئرر پاداش و اجرون قبر ائوین آباد اولا
عارفانه کعبه ی عشقی زیارت ایلروق
رهبر فرزانه نین امرین اطاعت ایلروق
ساخلاروق وحدت شعارین دشمن دین خوار اولا
سسلروق صاحب زمانی هر نفس ده یار اولا
قویماروق کرب بلانین صحنه سی تکرار اولا
قاره پرچم الده بیز عرض ارادت ایلروق
رهبر فرزانه نین امرین اطاعت ایلروق
وار ولایت عشقی دیللرده ئولینجه دویماروق
عهد و پیمان ائتمیشوق عزت لباسین سویماروق
بی مروّتلر کیمی مولامیزی تک قویماروق
عترت و قرآنی یا مولا حفاظت ایلروق
رهبر فرزانه نین امرین اطاعت ایلروق
احمد باقری
آنا یوردوم شربیان...ما را در سایت آنا یوردوم شربیان دنبال میکنید
برچسب: عاشق ولایت,عاشق,عاشقان ولایت,عاشقان ولایت لنگرود,عاشقان ولایت شهرکرد,عاشقان ولایت تبریز,عاشقان ولایت قزوین,عاشقان ولایت فداییان,عاشقان ولایت عسلویه,عاشقان ولایت میثم مطیعی, نویسنده: بازدید: 189